Jab aap AM Productions ke sath apna event book karte hain, toh aapko yeh yaqeen hota hai ke aakhri waqt par koi unexpected issue nahi aayega. Aksar log Barat ka event book karate hain jo aamtor par din mein 1 se 4 baje ya raat 7 se 10 baje tak hota hai, lekin iske sath kuch aur requirements bhi hoti hain jinhein pehle se clear karna behad zaroori hai.
Barat Timings aur Outdoor Shoots ka Asal Scene Bahut se clients ki khwahish hoti hai ke Barat se pehle outdoor shoot bhi kiya jaye. AM Productions apne clients se sari requirements pehle hi discuss karta hai. Hum outdoor shoot service ko proper explain karte hain aur iske liye bahut hi minimal charges rakhtay hain, taake client ko pehle se sab kuch pata ho.
Sehra Bandi, Welcome Home aur Groom Side Bookings Ye aksar dekha gaya hai—khaas taur par jab booking groom (dulhay) ki taraf se ho—ke client booking ke waqt Sehra Bandi ya post-wedding Welcome Home ka zikr nahi karta. Nateeja yeh hota hai ke photographer rukhsati ke foran baad chal deta hai, aur Welcome Home ki coverage miss ho jati hai jab tak ke koi photographer apni marzi se free mein na kar de (jabke bride side ki bookings mein aisa koi masla nahi hota).
AM Productions mein hum aisi cheezon ka pehle se khayal rakhtay hain. Agar Barat ke sath Sehra Bandi aur Welcome Home bhi shamil ho, toh hum bahut hi minimum charges par yeh service provide karte hain taake aapka koi lamha miss na ho.
Photography Industry ke Masail aur Hamari Guzarish Photography industry mein aksar ye dekha gaya hai ke client event book kar leta hai lekin photographer ne poori services explain nahi ki thin. Event walay din client achanak kehta hai ke pehle kisi aur location par outdoor shoot karwa dein, toh photographer mana kar deta hai kyunki woh included nahi hota. Kuch naye ya inexperienced photographers client banane ke chakkar mein free of cost outdoor shoot ya sehra bandi kar dete hain, jiska matlab yeh hargiz nahi hota ke har jagah yehhi ho.
Clients hazrat se guzarish hai: Apni full requirements shuru mein hi discuss karen.
Photographers hazrat se guzarish hai: All possible use cases pehle clear kar liya karen.
Aaiye mil kar transparency layen taake log photography industry par poora aitmaad kar saken!
